The Lost
مجموعة الاداره
عدد الرسائل : 269
العمر : 30
الموقع : مصر
العمل/الترفيه : عاشق بجد
المزاج : Amr Diab
تاريخ التسجيل : 13/02/2008
 | موضوع: الكينج بيغني مع مين ياناس؟؟؟؟؟؟  الجمعة مايو 09, 2008 3:18 pm | |
| الـــكــيـــنـــــج بيغـــــــــــــني مــــــع ميـــــــــــن؟؟
 سلام لأحلى واجمد فانز في الدنيا
 طبعا كلنا عرفين ان الكينج عمل دويتو مع اتنين
1-انجيلا ديمتريو
2-الشاب خالد
 لكن نعرف ايه عنهم؟
هل بنقدر نرد لما حد يجي يغظنا ويقلنا الكينج بيغني مع ناس مش اوي, او مثلا انجيلا دي مش معروفة في اليونان,  او ان الشاب خالد ملهوش شهرة غير في الوطن العربي.
كل ده لازم نبقى عرفينه وعرفين مكانة الكينج ايه.
Angela Dimitriou
انجيلا ولدت في ضواحي مدينة اثينا اليونانية. في بداية مشوارها كانت على علاقة قوية بالموسيقى اليونانية المأخوذه من الاجئين من اسيا, وده يعتبر نوع من الخلط بين الايقاعات والاصوات الشرقية,والسبب في اهتمامها
بالون ده اهلها. وبدات انجيلا انتاج اغانيها بنفسها مع جروبات صغيرة في "بيرايوس" عند ميناء أثينا.
ولكن بصوتها العميق وطريقة غناها للأغاني اليونانية الفلكلورية خلت مغنيين كبار في اليونان يسألوها انهم يغنو معاها.
بدات اول تسجيل في 1980, واعتبرت كواحدة من اقوى المطربات في اليونان. واخدت شهرة جامدة في العالم العربي وكانت بتعتبر حفالتها حاجة مهمة خاصة بعد حفلة لها في بيروت سنة 1995, والناس لقبوها ب"تينا تيرنر اليونانية".
انجيلا مطربة مرنة جدا, بتخلط الموسيقى التقلدية بتأثيرات البوب الحديث. اشتغلت مع ملحنين كبار, ومترددتش انها تخضع لدورات تدربية لتحسين مستوى صوتها. الناس بيقدروا انجيلا وبيحترموها في اليونان وده بسبب طريقتها المذهلة في غناءال
"zeimbekiko"
وده استايل في بعض الاغاني, وبيبقى غنا ورقص في نفس الوقت, بيبقى على ايقاع 8/9, وبيبقى الرقص في الغالب بطريقة سولو.
اما في 1997 جتلنا احلى اغنية يونانية سمعها العالم العربي
"Margarites"
الي ضربت في انجيلا كتير من المغنين العرب من التوب 10, وحققت اعلى مبعيات بين المغنين اليونانيين في العالم العربي. الاغنية ممكن مانكش فكرنها لكن اول ما تسمعهوا حتقولو ان الموسيقى دي مش غريبة عليا. وادي لينك التحميل
http://rapidshare.com/files/11358731...rites.mp3.html
ولو عايزين تشوفوا الفديو على يوتيوب
https://www.youtube.com/watch?v=s914mP3SSbI&feature=related
وعمرو حكلنا حاجة حلوة في حفلة من حفلاته, ان لما راح معاها سألها عن كلمات الاغنية فقالها: يعني ايه
"m' agapaei den m' agapaei"
ردت وقالتله: يعني
"بيحبني ما بيحبنيش"
وممكن نشوف الكلام ده في الدقيقة6:27 من الفديو ده
https://www.youtube.com/watch?v=S7YG7xzHRyo
وهنا معاني كلمات الاغنية
http://www.allthelyrics.com/forum/gr...n-pleasee.html
وهنا طريقة نطق الكلمات
http://www.justsomelyrics.com/213995...Daisies-Lyrics
نرجع بقى للموضوع نفسه,عملت انجيلا حفل كبير جدا ايام الاغنية ديه, في يناير 1998 اخر يوم رمضان في بيروت, مع الفنان الجزائري-الفرنسي رشيد طه, والحفل ده اتعمل قدام 10000 واحد. اما بقى في مايو 1999 كانت المفجأة الرهيبة لما عملت مع الكينج اغنيتيين
"Eleios" (حبيب قلبي)
و
"انا بحبك اكتر
"
وماظنش ان في حد محتاج اللينك للاغنيتين دول
والاغاني نزلت في البومها الي كان في خليط جامد بموسيقى البحر المتوسط, البوم
"Kane stin akri"
وبردو نزلت في البوم عمرو
"قمرين"
اووه ايام والله
ورشحت لجائزة" افضل مبيعات EMI كمغنية اجنبية" في سنة1998و1999 ومن ساعتها معروف ان كل تذاكر حفلاتها بتتاخد علطول
وفي 2000 كانت خبطة جامدة ليها بالبومها
"Mavri Lista"
الي حقق مبيعات فاقت تلات اضعاف البوم بلتينيوم في تركيا (الدرجة البلاتنيوم في تركيا 200000نسخه)**وده حصل في ست شهور بس.
ولسة مشوار نجاحها مستمر في الصعود.
**حكاية تكريم المطربين وتصنيف البوماتهم واعمالهم كدرجة فضية ذهبية بلاتنيوم ودايموند للاسف مش موجودة في العالم العربي,مع انها موجوده في اسرائيل,لمزيد من المعلومات
http://en.wikipedia.org/wiki/Music_r..._certification
الشاب خالد
طبعا نعتبره كمطرب عربي غني عن التعريف, بس برده خلينا نعرف شويه معلومات بسيطة عنه. هو خالد الحاج ابراهيم المعروف بالشاب خالد, مطرب راي جزائري من وهران. بدا تسجيل اغاني في سن المراهقة, ومن اول اغنية لقب "ملك الراي" على طول وده من اغنيتة الشهيرة في الجزائر "طريق اليسي" يعني طريق الثانوية,وكان عمره في الوقت ده 14 سنة بس**. ومعبال ما وصل 18 سنة كان رصيده الفني 100 شريط. سنة 1986 ترك الجزائر سافر لفرنسا,سنة 1992 نزل البومه الي عمل شهرة جامدة لكل الي اشتغلو فيه ويعتبر الالبوم ده من الاكثر 50 مبيعا في فرنسا حتى الان, وطبعا الي نزلت في الاغنية الي كلنا حافظين منها اول كلمتين بس
"دي دي"
ولسه الالبوم ده بيحصد نجاحه لحد دلوقتي.في سنة 1996 قدملنا الاغنية الاكتر من روعة وغاية في الجمال والي كانت مكس بين عربي وفرنسي, اغنية
"عايشة"
https://www.youtube.com/watch?v=VSNclG0B3Uc&feature=related
وفي سنة 1997 اخد جائزة "الورلد ميوزك اورد" عن البومه صحارى,الي غنى فيه مع اربع مطربين تانين ونزل في فيرجين جديد لاغنية "عايشة", فكان اول مطرب عربي ياخد الجايزة دي, لكن هو اخدها على اغانيه الي بالفرنسية, عشان كده الكينج يعتبر اول مطرب عربي ياخد الجائزة لغنائه باللغة العربية. في سنة 1999 كون فرقة 123سولاي وكان فيها فضيل ورشيد طه, وعملوا الاغنية الجامدة
"عبدالقادر"
https://www.youtube.com/watch?v=Qo-nDZgac6A
ونفتكر في نفس السنة عمل ديوتو مع الكينج وقدمولنا اغنية
"قلبي"
في البوم قمرين. الي حيقول عاوز لينك الاغنية حيضرب بالنار . في نفس السنة بردو عمل البوم سمى على اسم بنته, تفتكرو اسم بنته ايه؟؟...متتضخدوش...اسم الابوم
"كنزة"
مش قريب من "كنزي" ولا ايه.. .مين بقى الي اخد من تاني...هاها انا بهزر بس
في 2006 غنى مع كامرون كارتيو أغنية "هنة"، و2008 رجع مرة تانية باغنية "بنتي" مع المطربة الشابة "ميليسا".
**كنت حابب اضيف لمحة طيبة عن حياة الشاب خالد وانه قدم حاجة جميلة,في الوقت الي طلع في الشاب خالد باول اغانيه كان في الجزائر المتعصبين الاسلامين واقفين ضد اغاني الراي والسبب ان اغاني الراي وقتها كانت كلها بتتكلم عن الحب المحرم المخدرات والخمور, لدرجة ان كان في مجازر وقتل بيحصل لمغنيين راي, لكن الشاب خالد جه وغير المعنى ده خالص وقدملنا راي جميل, وده السبب الرئيسي الي اعطاه لقب "ملك الراي" في سن 14.
وبكده لازم نعرف ان الكينج مش بيغني مع اي حد وخلاص لا بل مع مطربين عالميين لهم قاعدة جماهرية كبيرة في العالم كله.
وانا اسف اني طولت عليكم, واعذروني على اي اخطأ لان ده تاني موضوع اكتبه في العالم الروعة ده
| |
|
shkoko
ستار جامد
عدد الرسائل : 222
العمر : 30
العمل/الترفيه : بتاجر بدموع البنات
المزاج : مهيس ىاحيانا ومضيع الباقى
تاريخ التسجيل : 16/05/2008
| | موضوع: رد: الكينج بيغني مع مين ياناس؟؟؟؟؟؟ الإثنين مايو 26, 2008 12:13 pm | |
| mashkooooooooooooooooooooooooor ya sahbyyyyyyyyy | |
|
الحبيب
ستار جامد
عدد الرسائل : 239
العمر : 31
الموقع : فى البيت؟
العمل/الترفيه : اكيف... دماغى؟
المزاج : مزاجى ... عنا ب؟
تاريخ التسجيل : 28/04/2008
| | موضوع: ولله موضوع جامد طحن يمان الإثنين مايو 26, 2008 3:45 pm | |
| | |
|
الحبيب
ستار جامد
عدد الرسائل : 239
العمر : 31
الموقع : فى البيت؟
العمل/الترفيه : اكيف... دماغى؟
المزاج : مزاجى ... عنا ب؟
تاريخ التسجيل : 28/04/2008
| | موضوع: رد: الكينج بيغني مع مين ياناس؟؟؟؟؟؟ الأربعاء يونيو 18, 2008 12:45 pm | |
| | |
|
Dim_light
صاحب الموقع
عدد الرسائل : 407
العمر : 34
الموقع : www.thearabworld.yoo7.com
العمل/الترفيه : the king
المزاج : the firest of the love
تاريخ التسجيل : 11/02/2008
| | موضوع: رد: الكينج بيغني مع مين ياناس؟؟؟؟؟؟ الخميس يونيو 19, 2008 1:39 am | |
| الله يا مان نار انت مكولعها
بجد انت مولعها
شكرا با باشا | |
|
